Mazda3 frumsýning á morgun hjá Brimborg Bíldshöfða 8

Mazda3 er einn vinsælasti bíll japanska framleiðandans. Þriðji hver Mazda bíll sem selst er af gerðinni Mazda3 og Mazda vill ná til sín stærri hluta af sölunni í þessum stærðarflokki bíla. Mazda3 er einmitt verkfærið til þess enda hefur bíllinn verið endurhannaður og er nú í senn afar spennandi og öruggur kostur. Mazda3 hefur fengið topp einkunn fyrir öryggi í Bandaríkjunum og fimm stjörnur af fimm mögulegum hjá Euro NCAP. Í Mazda3 fæst sá áreiðanleiki sem margir sækjast eftir í japönskum bílum en einnig akstursgleðin og einstök hönnunin sem oftast prýðir Mazda bíla.

Mazda fer sjaldnast troðnar slóðir í sinni hönnun en þó er nýr Mazda3 nokkur breyting frá eldri kynslóð bílsins. Með Mazda3 var sótt mikið í smiðju hönnunardeildar Mazda sem hefur hannað ótrúlega hugmyndabíla eins og Mazda Furai og eins hugmyndabílinn sem Mazda RX-8 er byggður á. Hönnunareinkenni frá þessum einstöku hugmyndabílum finnast líka í Mazda3 eins og sjá má í framsvip bílsins og rennilegu formi hans en Mazda3 er með minnstu loftmótsstöðuna af bílum í sínum flokki.

Hægt verður að reynsluaka bílnum á morgun á milli kl. 12 og 16 og munu söluráðgjafar Brimborgar veita upplýsingar á staðnum. Mazda3 kostar frá kr. 3.650.000 fyrir GO útfærsluna en Brimborg vekur einnig athygli á því að ef bíllinn er sérpantaður þá fæst aukalega 4% sérpöntunarafsláttur.

Komdu, reynsluakstu og fáðu kaffi, kleinur og spjall.